Заң бойынша төлемді салық төлеушінің өзі есептейді. Kolesa.kz-тің арнайы салық калькуляторы немесе Мемлекеттік кірістер комитетінің сайты арқылы мемлекетке қанша қарыз екеніңізді тексеруге болады.
Салықты екінші деңгейлі банктердің бөлімшесіне немесе поштаға барып төлеуге болады, сондай-ақ банктердің мобильді қосымшасы немесе e-Salyk-Azamat мобильді қызметі арқылы да есеп айырысуға мүмкіндік бар. Алматы қалалық Мемлекеттік кірістер департаменті салық автокөлік есепте тұрған жер бойынша емес, көлік иесінің тұрғылықты мекенжайы (тіркелген) бойынша төленетінін айтады.
Салық уақтында төленбесе, әрбір кешіктірілген күн үшін өсімпұл қосылады. «Ұмытшақ» тұрғындардың ісі арнайы бұйрық бойынша сот орындаушысының қолына өтеді. Ал олар салық төлемеген азаматтан қарыздың әрбір тиынын (оған қоса өздерінің жұмыс ақысын) өндіріп алады. Қарызды қайтару үшін борышкердің мүлкі мен банктегі шотын бұғаттап, шетелге шығуына шектеу қояды. Сонымен қатар салықтан жалтарған азамат қарапайым банк қызметін де ала алмайды, атап айтқанда, банктен шот ашу, аударым жасау және несие алу мүмкін емес.
Сұрақ немесе қандай да бір даулы жағдай туындаса, көлік иелері 1414 телефоны арқылы байланыс орталығына жүгіне алады. Мемлекеттік кірістер комитетінің аудандық басқармалары да жүргізушілерге түсінік береді:
| МККАБ | Мекенжайы | Телефоны |
| Әуезов ауданы бойынша МКБ | Алматы қ-сы, Алтынсарин даңғ, 23 | 303-25-69, |
| Алмалы ауданы бойынша МКБ | Алматы қ-сы, Абылай хан даңғ, 93/95 | 267-69-80, |
| Бостандық ауданы бойынша МКБ | Алматы қ-сы, Айманов к-сі, 191 | 275-48-24, |
| Жетісу ауданы бойынша МКБ | Алматы қ-сы, Абылай хан даңғ, 2 | 279-57-72, |
| Түрксіб ауданы бойынша МКБ | Алматы қ-сы, Шолохов к-сі, 14 | 221-58-49, |
| Медеу ауданы бойынша МКБ | Алматы қ-сы, Абылай хан даңғ, 93/95 | 267-71-73, |
| Алатау ауданы бойынша МКБ | Алматы қ-сы, Шаңырақ-2, Жанқожа батыр к-сі, 24 | 299-85-34, |
| Наурызбай ауданы бойынша МКБ | Алматы қ-сы, Шұғыла ы.а, 347/2 | 338-40-45, |
Бұған дейін ҚР Салық кодексіне түзету енгізіліп, көлік салығын төлеудің шекті мерзімі 31 желтоқсан емес, 1 сәуір болып белгіленген еді.
2021 жылы кодекске шағын жүк машинасы мен фургон иелері жеңіл автомобиль ретінде емес, жүк көлігі ретінде салық төлеуге мүмкіндік беретін түзету енгізілді.
Комментариев: 0