Мәжіліс депутаты Бақытжан Базарбек машинасына жалған нөмір таққан жүргізушілерді қылмыстық жауапқа тарту керек деді. Оның ойынша бұл мәселе бұқаралық сипат алып барады және салдары ауыр. Елде апат саны артқан, тергеу барысында көп жағдайда апатқа кінәлі адам жалған нөмірмен жүргені анықталады.
«Көп адам, соның ішінде бай-бағландар жалған нөмір қолданады. Бұдан қарапайым халық зардап шегіп отыр» деп мәлімдеді Б. Базарбек.
Қылмыстық кодексте көлік нөмірін қолдан жасап, сатқандар ғана жазаланатыны жазылған. Ал ондай нөмірді техникасына тағып алған кісі ары кетсе бес тәулік түрмеде отырады және небәрі бір жылға жүргізуші куәлігінен қағылады. Оның үстіне, ұсталғандардың көбі Әкімшілік кодекстің
Депутат жағдайды өзгерту үшін мұндайларды қылмыстық жауапқа тарту керек деп санайды. Ішкі істер министрінің орынбасары Санжар Әділов бұл ұсынысты қарап, талдауға дайынбыз деді.
Жалған нөмір пайдаланғандар расымен қамалатын болса, жолдағы жағдай жақсарар ма екен?
Комментариев: 0