Бүгін мәжіліс отырысында «Аманат» фракциясының депутаты Елнұр Бейсенбаев трассада оң рөлді вэндер қатысқан апат жиілеп кетті деді. Ол биыл он айда апат саны 27 % өскенін атап өтті. Оң рөлді көлікті такси қызметінде пайдалануға болмайтынына қарамастан, жолаушы тасып жүргендер бар, агрегаторлар бұл мәселені дұрыс қадағаламайды.
Оның айтуынша Toyota Alphard пен Estima жаман атқа қалды. Депутат биыл шілдеде екі күннің ішінде Жамбыл және Алматы облыстарында «альфард» қатысқан екі ірі жол апатынан он адам қаза тауып, төртеуі жарақат алғанын еске салды.
Елнұр Бейсенбаев осыған байланысты Қазақстанда қатаң бақылау енгізіп, оң рөлді машинаны коммерциялық мақсатта және қала арасында жолаушы тасуға пайдалануға тыйым салу қажет деп санайды.
1 желтоқсанда Атырау облысында оң рөлді көлік иелері трассаға шығып, жұмыс істеуге кедергі жасамауды талап етті.
Комментариев: 0