Kolesa.kz платформасы мен оның негізгі функцияларын жеке сатушылар мен сатып алушылар тегін пайдаланады. Бірақ сайт пен мобильді қосымшада ақылы қызметтер де бар.
Kolesa.kz-те хабарландыру жариялау ақылы ма?
Автомобиль, мототехника, қосалқы бөлшек және басқа заттарды сату туралы хабарландыруды Kolesa.kz сайтында жариялау тегін. Бірақ әр бөлімде жеке қолданушыға арналған лимиттер бар.
Хабарландыру беруге қандай лимит бар?
Жеке сатушы тегін жариялай алатын хабарландыру саны әр бөлімде әртүрлі:
- Жеңіл автомобиль (жаңа және жүрген машина) — 1 хабарландыру
- Коммерциялық транспорт — 2 хабарландыруға дейін
- Қосалқы бөлшек — 5 хабарландыруға дейін
- Жөндеу және қызмет көрсету — әр категорияда аптасына 10 хабарландыруға дейін
- Мототехника — 10 хабарландыруға дейін
- Су транспорты — 10 хабарландыруға дейін
Бұл лимиттер пайдаланушының жеке кабинетіне қатысты.
Қандай хабарландыру ақылы болады?
Kolesa.kz-те мынадай хабарландырулар ақылы:
- мамандар мен автонарыққа қатысушылар жариялаған;
- жеке сатушы белгіленген лимиттен артық берген.
Іздеу бөліміне жазылу
Пайдаланушы өзіне қажет параметр бойынша іздеу нәтижесіне тегін жазыла алады. Іздеу нәтижесі «Таңдаулы» бөліміндегі «Іздеу» бетіне шығады.
Осы бөлімде push-хабарлама алуға мүмкіндік бар. Сайтты тегін пайдаланатын адам күніне бір рет хабарлама ала алады, сондай-ақ түнде хабарлама келмейтіндей етіп баптай алады.
«Таңдаулы» бөлімі
Хабарландыру қараған кезде пайдаланушы өзіне ұнаған нұсқаны «Таңдаулыға» сақтай алады. Бұл да тегін опция. Ол бұрын қараған хабарландыруды жоғалтып алмай, іздеуді жалғастыруға мүмкіндік береді. «Таңдаулыға» қосу үшін жүрекше белгісін басу қажет.
Kolesa.kz-тегі орташа баға
«Жеңіл автомобильдер» бөлімінде пайдаланушыға өзі іздеп отырған модельдің бағасын дұрыс бағамдауға көмектесетін ақпараттық көмекші бар.
Хабарландыруды жоғары көтеру
Ақы төлеп, хабарландыруды жоғары көтеру арқылы клиенттердің назарын аударып, техниканы тезірек сатуға болады. Бұл қызмет туралы толық ақпаратты «Колёса Гид» бөлімінен оқыңыз.
Kolesa Plus сервисі
Kolesa Plus — іздеу барысында қосымша сүзгіні пайдалануға, хабарландырудағы баға өзгерісін көруге, жаңа хабарландырулар туралы жедел хабарлама алуға мүмкіндік беретін ай сайынғы ақылы жазылым. Сервисті пайдаланушы Kolesa.kz қосымшасындағы жарнама баннерін өшіре алады.
Көлік тарихы
Бұл бөлімнен машинаның меншік тарихын көресіз. Бұл қызмет түрлі сервис пен мемлекеттік дерекқордан алған мәліметті жинақтап көрсетеді. «Авто тарихы» қызметі сатып алушы үшін ақылы. Ал сатушы хабарландыруға техпаспортты тегін қосады.
Комментариев: 0