Kolesa.kz порталында S550 индексті алтыншы буындағы Ford Mustang саудаға шықты. 2021 жылғы автомобиль 48.5 млн теңге тұрады, ол осы түрленімдегі ең қымбат «Мустанг» атанып отыр. Маслкар 4000 шақырым ғана жол жүрген.
Қара Mustang-тың атауында Bullitt қосымшасы бар. Бұл атау «Детектив Буллит» фильмнің 50 жылдығына орай шыққан саны шектеулі автомобильге берілген. Мұндай «Мустангтың» прототипін 2018 жылғы NAIAS автосалонында фильмде басты рөлді сомдаған Стив Маккуиннің немересі таныстырды.
Mustang Bullitt 5 литрлік V8 моторымен жүретін GT түрленіміне негізделген. Бірақ стандарт қозғалтқыш жақсарып, қуаты 480 ат күшіне жетті. Агрегат 6 сатылы механикамен жұмыс істейді.
Bullitt салонында жасыл тігісті бренд эмблемасы бар Recaro креслосы, цифрлы аспаптар панелінің графикасы және нөмір тақтасы көзге түседі. Алматыдағы Bullitt-тің нөмірі — 3189. Мұндай машинаның 11.5 мың данасы шыққан, оның 8 мыңы 2020 жылғы, 3.5 мыңы 2021 жылғы модельдік топтың өкілі ретінде жарық көрд3.
Комментариев: 0