Kolesa.kz-те cирек кездесетін Lada Tarzan сатылады

Хабарландыруға 1990 жылдардың аяғында жасалған көлік саудаға шықты. Сырттай ВАЗ-2108-ге ұқсайды, бірақ шын мәнінде ол «сегіздік» пен «Ниваның» қосындысы.

Бұл модель «Лада Консул» кәсіпорнында жасалған. Ол ВАЗ-2121 агрегаты бар арнайы болат рамаға негізделген, яғни 1.7 литрлік бензинді мотор мен үлестіргіші бар қораппен жабдықталған. Tarzan атауын алған ол толық жетекті.

1 / 8

• 
• 
• 
• 
• 
• 
• 
• 

1 / 8

Инженерлер артқы редукторды орнату үшін стандарт карданның өлшемін ұлғайтуға мәжбүр болды, себебі «Тарзанның» дөңгелек базасы — 2585 мм, ал «Ниванікі» — 2200 мм. Автомобиль қосарлы көлденең иінтіректі тәуелсіз алдыңғы және артқы аспамен жабдықталған. Тежеуіштері — дискілі.

Мамандар рамаға ВАЗ-2108 шанағын орнатып, бастырық пен ірі табалдырық қойған. Салоны аса өзгермеген, тек ортаңғы тоннель қаптамасы, беріліс қорабы мен үлестіргішті басқаратын үш иінтірегі ауысты. Бұл элементтер ВАЗ-21213-тен алынған.

2000 жылғы машина Атбасарда тұр, хабарландыруда 100 000 шақырым жүргені жазылған. Жақсы сақталмапты, суреттерден бастырығы зақымдалғанын көруге болады. Салонында ВАЗ-2114-тің алдыңғы панелі мен рөлі көзге түседі. Сол себепті беріліс қорабының иінтірегі де өзгерді.

1 / 5

• 
• 
• 
• 
• 

1 / 5

Иесі Tarzan үшін 2.5 млн теңге сұрап отыр. Мұндай жол талғамайтын хэтчбектің 2.5 мың данасы ғана шыққан.