Kolesa.kz порталында біздің елде өте сирек кездесетін Ford Mustang туралы хабарландыру жарияланды. Көне көліктің құны — 40 млн теңге.
Бұл түпнұсқа Mustang емес, рестомод екен. Яғни, маслкар талай жөндеуден өткен, бірақ иесі оның бәрін ашып жазбапты.
Алдымен көзге түсетін ерекше бөлшек — моторы. 1964 жылдың сәуірінен 1966 жылдың шілдесіне дейін шыққан алғашқы серия 2.8-4.7 литрлік қозғалтқышпен жабдықталған, ал мына көк түсті хардтоп капотының астында 302 индексті V8 тұр. 5 литрлік агрегат топтамаға кейін енді. Сатушы моторын қайта құрастырып, жақсарттық дегенмен, қанша ат күшін беретіні белгісіз. Бірақ үш сатылы Ford C4 автоматымен жұмыс істейді. Өндіруші модельге мұндай қорапты 1981 жылға дейін орнатты.
Автомобильге жаңа аспа мен жүріс бөлігінің басқа бөлшектерін, Wilwood тежеуішін қойыпты, одан бөлек рөлді гидрокүшейткіш, ерекше акустика бар.
Көлік иесі барлық бөлшекті тікелей Америкадан тапсырыспен алғанын, жобадан ақша аямағанын атап өтті.
Комментариев: 0