Санкт-Петербург билігі 28 қаңтар күні салмағы 8 тоннадан жоғары және экологиялық классы Еуро-3-тен төмен жүк көліктерінің қалаға кіруіне тыйым салатын қаулы қабылдады.
Ірі жүк көліктерінің дыбысы халық тыныштығын бұзады, ал одан бөлінетін зиян газдар ауаны ластайды. Жүк тасымалдайтын көліктердің жолдағы қозғалысы мұндай машиналардың тұрғын үйлері бар аудандарға кіруін шектеу арқылы реттелді", — деп мәлімдеді қаланы абаттандыруға жауапты комитет өкілдері.
Анықтама ретінде: бензинді және дизельді моторы бар Еуро-3 көліктері Еуропада 2001-2004 жылдары, Солтүстік Америкада — 2001-2003 жылдар, Жапонияда — 2005-2010 жылдары, Оңтүстік Кореяда — 2003-2005 жылдары, Ресейде — 2008-2009 жылдары шығарылды. Демек жасы 13-тен асқан КАМАЗ Питер жолдарында жүйтки алмайды.
Жүк тасушылар бұл жаңалықты әртүрлі қабылдады. Жүргізушілердің көбіне шешімнің тым тез қабылданғаны ұнамаған. Қала билігі кәсіпкерлерге бұрын берілген рұқсатнама құжаттағы мерзім аяқталғанша жарамды болатынын хабарлады.
Мәскеуде де осыған ұқсас шектеу бар. Бірақ ол тек күндіз (6:00-ден 22:00-ге дейін) және қала орталығында ғана күшінде болады.
Қалай ойлайсыздар, Қазақстандағы ірі қалаларда осындай шектеу енгізген дұрыс па?
Комментариев: 0