Росстандарт 2013–2018 жылдары шыққан 105 405 Kia Rio, Cerato және Soul сервиске шақырылғанын хабарлады. Мұның жартысына жуығы Rio көліктері
Сервистік кампания жариялауға қауіпсіздік жастығы себеп болды. Росстандарт сайтындағы сипаттамада мәселе SRS ақау көрсеткішінің жанып тұрғанында екені жазылыпты. Бұл көлік соғылған кезде қауіпсіздік жастығы ашылмайтынын немесе дұрыс жұмыс істемейтінін білдіре ме, жоқ па белгісіз.
Kia өкілдері бағдарламалық жасақтаманы жаңарту және қажет болса қауіпсіздік жастығын ауыстыру арқылы жағдайды реттеуге ниетті. Кері шақырылған көліктердің VIN-коды жазылған тізімді Росстандарттың ресми сайтынан көруге болады.
Кері шақыру Қазақстанға да әсер етуі мүмкін. Аталған кезде Ресейде шыққан Rio біздің елде де сатылған. Бірақ әлі сервистік кампания жарияланған жоқ. Редакция сауалына Қазақстандағы Kia Motors өкілдері былай деп жауап берді:
Kia Қазақстанда сервистік кампания жариялаған жоқ. Біздің ел аумағында сатылған барлық көлік көрсетілген талапқа сай келеді. Мәселе туындаса, кепілдік шартына сай жөнделеді. Қазақстанда Kia өнімдеріне 5 жыл немесе 150 000 км (K9 моделіне — 7 жыл немесе 150 000 км) кепілдік беріледі.
Комментариев: 0