Kia EV9 Қазақстанда қанша тұрады

2024 жылдың басында Kia үш қатарлы кроссовер EV9-дың жақында Қазақстанда болатынын жариялады, ол осы уақытқа дейін әлем бойынша көптеген марапатқа, соның ішінде «Әлемнің үздік автомобилі» атағына ие болды.

Ақпанның аяғында EV9 көлік құралының типін мақұлдау құжатын алды, енді брендтің ресми өкілдері көлікті таныстырып, бағасын жариялады. Әзірге Kia EV9 Қазақстанда 6 орынды салоны бар жалғыз GT-Line комплектациясында 39 миллион теңгеге сатылады.

Мұндай электрокар 99.8 киловатт батареядан қуат алатын 325 ат күші бар екі электрлі мотормен жүреді. Автомобильдің жүріс қоры 497 шақырымға жетеді және алғашқы жүздікті 5.3 секундта еңсереді.

1 / 3

• 
• 
• 

1 / 3

Электрлі кроссовер алдыңғы, бүйірлік және тізеге арналған қауіпсіздік жастығымен, көмекші электрониканың толық жинағымен, автотежеу, бейімді круиз-бақылау, жолақты бақылау, айнала шолу камерасы және т.б. сияқты Drive Wise кешенімен жабдықталған.

Автомобильде үш аймақты климат-бақылау, кілтсіз ашу жүйесі, электрлі реттелетін алдыңғы орындықтар мен рөл колонкасы, қосарлы люк, смартфонды сымсыз қуаттағыш, атмосфералы жарық, цифрлы аспаптар панелі мен 12.3 дюймдік медиакешен, проекциялық экран, 14 динамигі бар аудиожүйе, алдыңғы және артқы орындықтарды жылыту және желдету жүйесі, артқы жолаушыларға арналған массаж және т.б. бар. Салоны жасанды былғары және күдерімен қапталған.