Kia EV9 «Әлемнің үздік автомобилі» атанды

Нью-Йорк автосалоны аясында World Car of the Year (WCOTY) байқауының қорытындысы жарияланды. Қазылар алқасы батареялы Kia EV9-ды әлемдегі ең үздік жаңа өнім деп таныды. Өзге номинация жеңімпаздары да анықталды, оның бәрі электрлі машиналар.

Басты жүлдеге Kia EV9-бен бірге Volvo EX30 бен BYD Seal таласқан. Кроссовер «Жыл автомобилі» атағымен бірге 2024 жылғы үздік электрокар жүлдесіне ие болды. Бұған дейін беделді сыйлыққа қол жеткізген Kia моделі — Telluride (2020 жыл). Тағы бір корей моделі, 650 ат күшіне ие Ioniq 5 N «Жыл спорткары» атанды, ол BMW M2 мен BMW XM-ді жеңді.

1 / 6

• 
• 
• 
• 
• 
• 

1 / 6

BYD Dolphin «Үздік қала көлігі» номинациясына үміткер болған, бірақ Volvo EX30-ға есе жіберді. Бұл номинация Lexus LBX-ке де бұйырмады.

1 / 6

• 
• 
• 
• 
• 
• 

1 / 6

Жаңа 5-сериялы BMW i5 «Үздік премиум автомобиль» атанды. Бавариялық машина басты бәсекелесі Mercedes-Benz-тің екі моделі, E-класс пен EQE SUV-ді басып озды.

Ал «Жыл дизайны» атағы Toyota Prius-қа бұйырды. Ол Ford Bronco және Ferrari Purosangue суперкроссоверімен бәсекеге түсті.

1 / 6

• 
• 
• 
• 
• 
• 

1 / 6

Toyota Prius бұған дейін Жапонияда «Жыл автомобилі» атанған. Ал Kia EV9 бірнеше жүлдеге қол жеткізді. Ол 2024 жылғы «Үздік әйелдер автомобилі» байқауында жеңіске жеткен.

EV9 Қазақстан нарығына шығуға сертификат алды. Біздің елде екі моторы 385 ат күшін беретін толық жетекті нұсқасы сатылады. Электрокардың бағасы жайлы қазірше ақпарат жоқ.