BMW iX3 «Әлемнің үздік автомобилі» атанды

Нью-Йорк автосалонында дәстүрлі World Car of the Year («Әлемнің үздік автомобилі») конкурсының қорытындысы шықты. 2026 жылы басты жүлде жаңа BMW iX3 кроссоверіне бұйырды. Ол — Neue Klasse концептісі стилінде жасалған алғашқы сериялық модель.

1 / 5

BMW iX3

1 / 5

Финалда кроссовер Hyundai Palisade пен Nissan Leaf-тен басым түсті. Қызығы, iX3 «Үздік электромобиль» номинациясында да жеңіске жетті. Бұл бәсекеде модель Mercedes-Benz CLA мен Nissan Leaf-ті басып озды.

1 / 5

Hyundai Ioniq 6 N

1 / 5

World Car of the Year байқауының 33 мемлекеттен жиналған 98 автожурналистен тұратын қазылар алқасы тағы бірнеше номинация бойынша мықтыларды анықтады. «Жыл спорткары» атағы электрлі Hyundai Ioniq 6 N моделіне бұйырды. Ол BMW M2 CS пен Chevrolet Corvette E-Ray-ді артта қалдырды.

1 / 10

Lucid Gravity

1 / 10

«Жылдың люкс автомобилі» — Lucid Gravity, «Үздік қалалық көлік» — қытайлық Nio Firefly. Төрешілер ең әдемі автомобиль Mazda 6e (EZ-6) деп танып, «Жыл дизайны» жүлдесін берді.

1 / 5