Еуропаның ең үздік автомобилі — Mercedes-Benz CLA

Қарт құрлықтағы 23 елден жиналған 59 журналист былтыр жазда жарық көрген Mercedes-Benz CLA-ге жалпы 320 балл беріп, үшінші буын өкіліне тең келетін автомобиль жоқ деп шешті.

Электр қуатымен жүретін басқа модельдер седанның шаңына да ілесе алмады. Мәселен, екінші орындағы Škoda Elroq 220 балл алса, Kia EV4 — 208, Citroen C5 Aircross — 207, Fiat Grande Panda — 200, Dacia Bigster — 170, Renault 4 кроссовері 150 ұпай жинады.

1 / 7

• 
• 
• 
• 
• 
• 
• 

Mercedes-Benz CLA

Škoda Elroq

Kia EV4

Citroen C5 Aircross

Fiat Grande Panda

Dacia Bigster

Renault 4

1 / 7

Mercedes-Benz моделі соңғы рет сонау 1974 жылы «Жыл автомобилі» деп танылған, ол кезде 450 SE/SEL флагманы жүлде алды. Енді араға жарты ғасыр салып, тағы бір көлігі жеңімпаз атанды.

Біз сөз етіп отырған ұзындығы 4.7 метр, дөңгелек базасы 2.8 метр, бортында 800 вольттық энергия жүйесі бар машина ММА платформасына негізделген. Базалық CLA 250+ тек бір қозғалтқышпен (272 а.к.; 335 Нм) жабдықталады, жүріс қоры — 792 шақырым. Моторлары 354 ат күші мен 515 Нм момент беретін толық жетекті көлік 771 шақырымды еркін еңсереді.

Еуропада өткен конкурста жеңіске жеткен Mercedes-Benz CLA «Бүкіләлемдік жыл автомобилі» премиясына да қатысып, үздік ондыққа кірді, бұл тізімде BMW iX3, Hyundai Ioniq 9, Kia EV4, Nissan Leaf, Toyota RAV4 және Audi Q5/SQ5 бар. Бірақ оның нәтижесі сәуірде белгілі болады.