Kia ЕЭО нарығына, нақтырақ айтсақ Ресейге электромобиль жеткізу жоспарда барын жазда хабарлаған. Енді келер жылы бес есікті EV6 сатылымға шығатыны белгілі болды.
Бастапқыда компания электрлі өнімін Мәскеу мен Санкт-Петербургте саудалайды. Kia көлік сатумен шектелмей, жергілікті дилерлер көмегімен қуаттау бекеттерін салуды да көздеп отыр.
Еске салайық, Kia EV6 2021 жылдың басында таныстырылды. Ол марканың E-GMP платформасында жасалған алғашқы моделі. Гаммада артқы және толық жетекті нұсқалар бар. Электромобиль 170-тен 585-ке дейін ат күшін береді. Сонымен қатар сыйымдылығы 58 немесе 77.4 кВт∙сағ болатын екі батарея қолжетімді болады.
Жаңа көліктің бағасына қатысты ақпарат айтылмады. Ал Еуропада EV6-ның мемлекеттік субсидияны қоспағандағы құны 45 мың еуродан басталады.
Комментариев: 0