25 ақпанда жарияланған ЕО құжатында КАМАЗ Еуроодақ аумағында көлік сата алмайды, сонымен қатар шетелдік компаниялармен серіктестігі, шетелдік технологиялар мен жабдықтар қолдануы шектеледі деп жазылған. Қазір бірлесе ірі жүк көліктерін шығарып жатқан Daimler Trucks-пен байланысы да үзілуі ғажап емес.
Бұл жаңалық «мерседес» мамандарының көңіліне қаяу түсіре қоймас, өйткені Шольц өтемақы ретінде қарулы күштерге қажет жүк көліктері мен бронды машина шығару үшін 100 млрд қосымша ақша бөлуге уәде берді.
Қарт құрлықтан қол үзу КАМАЗ-дың саудасына теріс әсер етеді деуге де негіз жоқ. Компания өнімін негізінен ТМД мен Азия елдерінде саудалайды. Алайда «Дакарға» қатысып, топ жаратын күн алыс сияқты, бұл жолы ұйымдастырушылар зауыт командасын жарыс маңына жолатпауы мүмкін.
КАМАЗ қазір 2018 жылы санкцияның салқыны тиіп, Mercedes-Benz Sprinter өндірісін тоқтатуға мәжбүр болған ГАЗ және беларусьтік МАЗ, БелАЗ компанияларымен бір қатарда тұр. Ақпанда белорустер Еуроодақ бекіткен шектеуді айналып өтіп, Украина арқылы өнімін сатпақ болған, алайда қазір бұл тәсіл мәнін жоғалтты.
Комментариев: 0