STLA Large платформасына негізделген машина сырттай
Капот астында 177 ат күші мен 300 Нм момент беретін 1.6 литрлік турботөрттік тұр. Ол екі электромотор, сатысыз қорап және 1.08 кВт·сағ литий-ионды аккумулятормен жұмыс істейді.
Мұндай конфигурация агрегаттың жалпы қуатын 210 ат күші мен 312 Нм моментке дейін арттырады, бұл алдыңғы Cherokee-дегі мотордікінен жоғары көрсеткіш. Бірақ соның өзінде бәсекелес Toyota RAV4 (236 а.к.) пен Hyundai Tucson Hybrid-тен (231 а.к.) аса алмады.
Гибрид күштік құрылым барынша тиімді болу үшін артқы осьтегі жетегін өшіріп қоюға болатын стандарт толық жетек жүйесімен үйлеседі. Соның арқасында кроссовер қалада 100 шақырымға — 9.8 л, трассада — 7.1 л және аралас циклде 6.4 л жанармай жұмсайды.
Жолсыз жерде жүргенді жақсы көретіндер 20 сантиметрлік клиренсі мен жүріс қабілетін жоғары бағалайды, машинаның кіру, шығу және рампа бұрышы 19.6, 29.4 және 18.8 градусқа тең. Диаметрі
Автомобильдің интерьері минимализм стилінде, көп функция сенсорлы панельде орналасқан.
Салонда 10.25 дюймдік цифрлық аспаптар панелі мен Uconnect 5 жүйесі басқаратын 12.3 дюймдік мультимедиа экраны тұр. Көлік иесі үнсіз келісіммен бағдарламаны онлайн жаңартып, шұғыл көмек шақыруға, смартфонға арналған Jeep қосымшасына қосылуға мүмкіндік беретін Connect One сервисіне он жылға жазылады.
Стандарт жабдықтар тізіміне Active Driving Assist бейімді круиз-бақылауы, автоматты түрде жедел тоқтау, көрінбейтін аймақтарды бақылау, артқа жүргенде септесетін ассистент және жаңбыр сезгектері бар әйнек сүрткіш кіреді. Айнала шолу камерасы, алдыңғы орындықтарды желдеткіш пен артқы орындықтарды жылытқыш, үлкен екі секциялы люк, жүксалғыш есігінің электр жетегін опция ретінде ұсынады.
Марка
Комментариев: 0