Жаңа Jeep Cherokee-дің алғашқы фотосы

Stellantis баспасөз қызметі жариялаған алтыншы буындағы Jeep Cherokee-дің фотосуретінен жаңа өнім 2023 жылы өндірісі тоқтаған алдыңғы буынынан өзгеше екенін байқауға болады. Сына тәрізді формасы өзгеріп, топтаманың ертедегі сұлбасына бейімделген.

Жаңа «Чероки» марканың электрі Recon 4xe сияқты жаңа өнімдеріне ұқсас стильде жасалған. Сырт пішінін ғана емес, платформасын да айтуға болады, автомобиль флагмандық Wagoneer S сияқты STLA Large архитектурасына негізделген.

1 / 3

• 
• 
• 

1 / 3

Компания орташа өлшемді жол талғамайтын көлік «жаңа, тиімді әрі қуатты гибрид күштік құрылыммен» жүретінін хабарлады. Сондай-ақ модельдің дәстүрлі мотормен (3 литрлік алты цилиндрлі Hurricane) жүретін және екі электромоторы бар толық электрлі нұсқасы шығады. Соңғысы Қытай нарығына арналған.

Интерьердің шпиондық суретінен цифрлы аспаптар панелі мен ортаңғы мультимедиа тачскрині Wagoneer S EV жабдығына ұқсас екенін байқауға болады, трансмиссия шайбасы да флагмандық модельді еске салады.

Жаңа Jeep Cherokee-дің тұсаукесері биыл жыл аяғына қарай өтеді, саудаға 2026 жылы шығады. Машинаның бұрынғы атауы өзгеріссіз қалғанына қарағанда үндістермен проблема шешілген сияқты.