Қазақстанда міндетті техбайқау қағаз жүзінде іске асатын процеске айналғалы қашан, бірақ автомобиль мен мототехниканы мұқият тексеретін елдер бар. Солардың бірі — Жапония. Онда үш жыл бұрын шыққан техника сякен деп аталатын процедурадан екі жылда бір рет өтеді. Кейде сервисте таңғаларлық жағдайлар болып тұрады. Күншығыс елінде тұратын Мэтт Нортон өз басынан өткен қызық оқиғаны баяндап берді.
Нортон Жапонияға қоныс аударған соң 1993 жылғы Jeep Wrangler YJ сатып алыпты. Машина жоғары орналасқан аспа, 33 дюймдік дөңгелек және бүртабан шина сыю үшін арка кеңейткіш алған. Дәл осы заттар техбайқау орталығындағы мамандарға ұнамай қалыпты.
Шам мен қанаттың сыртқы шетінің арасындағы қашықтық нормативте жазылғаннан 3 см алшақ екен. Бұл мәселені шешудің екі жолы болды: тюнингті мүлде алып тастау не шамдарды алыстату. Көлік иесі екінші нұсқаны таңдайды да, скотч, картон және қосымша өткізгіш алып, жарық техникасын бекіткіш жасайды.
Шеберлер бұған бір күліп алып, сертификат тапсырған. Зауыт орнатқан механикаға қырын қараған жапондардың қолдан жасалған бекіткішке не үшін рұқсат бергенін сұрағанда «біз ережеге бағынамыз» деп қысқа жауап беріпті. Қызығы сол, Нортон кейін шамдарды бұрынғы орнына қайта қойған.
Комментариев: 0