Isuzu Ресейде техника өндіруді тоқтатады

Yomiuri газетінде жарияланған мәлімет бойынша Isuzu Motors басшылары логистикаға қатысты мәселе туындағандықтан, Ресей аумағында техника өндіруді тоқтатуды ойлап отыр.

2008 жылы іске қосылған Isuzu автомобиль зауыты Ульяновск облысында орналасқан. Ондағы мамандар көлемі шағын (N-серия), орташа (F-серия) және Giga топтамасындағы үлкен жүк көліктерін құрастырды.

Еске салайық, біраз уақыт бұрын Toyota Санкт-Петербургтегі зауыты жабылатынын ресми растаған еді, Mazda да Ресей нарығынан кетуі мүмкін. Ал «Автотор» Kia, Hyundai және BMW модельдерін құрастыруды доғарып, басқа серіктеспен жұмыс істейтінін мәлімдеді.