Илон Маск қытайлық электрокар өндірушілерге қарсы сауда тосқауылын енгізуді ұсынды. Қаржылық есеп беру кезінде Tesla басшысы Қытай компаниялары бәсекеге әлдеқайда қабілетті деп айтқанын Reuters хабарлады.
Илон Маск Қытай автоөндірушілері шетелде біраз жетістікке жете алады деп мәлімдеді. Ол «Сауда тосқауылы қойылмаса олар басқа әлемдік компанияларды жойып жіберуі мүмкін» деген.
Электромобиль өндіретін әлемдегі ең ірі компания басшысы Қытай брендтерінің тарауын шектеу үшін тыйым салатын баж, бөгеме тариф және басқа ұқсас әдістерді қолдануға шақырады. Тесла электромобиль нарығының көшбасшысы атағын жоғалтқанын атап өткен жөн. BYD төртінші тоқсанда калифорниялық компаниядан асып түсті.
Еуроодақ Қытай брендтеріне мемлекет көмектесіп отыр деп қауіптенеді. Қытай өндірушілері Еуропа нарығында қалай демпинг жасай алатынын анықтау үшін Еурокомиссия тексеруді бастады. Көлік құны мемлекеттік субсидиялар арқасында төмендегені расталса, Еуроодақ аспан асты елінің брендтерін жеткізуді жасанды түрде шектеуі мүмкін.
АВТОВАЗ басшысы Максим Соколов та осындай мәлімдеме жасады. Жеңіл автокөлік шығаратын ірі кәсіпорын басшысы Қытай өндірушілерінің Ресей нарығын белсенді түрде жаулап алуын агрессия деп атады. 2023 жылдың қорытындысы бойынша автомобиль экспорты саласында Қытай әлемдік көшбасшыға айналды.
Комментариев: 0