Еуропаның қытай электромобильдеріне сұранысты төмендету жоспары айқын көрініс тауып келеді. Reuters мәліметіне сүйенсек, Франция мен Италия ұқсас шара ұйымдастыруға дайындалып жатыр екен. Осылайша субсидия бөлу талаптарын қайта қарауға қол жеткізбек.
Анықтама ретінде: Францияда электромобиль сатып алған адамның мемлекеттен 5000 еуро алуға мүмкіндігі бар.
Әлемдік сауда ұйымының талаптарына сәйкес билік қытай өндірушілерін субсидиялаудан бас тарта алмайды, десе де заң шығарушылар айла тапқан сияқты. Болжам бойынша бұдан былай электрлі мотор тұрған автомобильдердің экологияға қаупін, машина өндірісі кезіндегі тазалықты, зауыттағы автомобиль мен батарея шығару кезінде қолданатын қуат түрін ескереді.
Бұл тәсіл қытайлық өндірушілерге тиімсіз, себебі олар электр қуатын көмір электр станцияларынан өндіреді. Бұл аспан асты елін Еуропада өз өндіріс орындарын ашуға итермелейтіні анық. Осы жайт электромобиль бағасының артуына әкелетіні анық.
Мысалы, Германияда жасалған Volkswagen ID. 4 Pure-дің бағасы Штутгарттағы автосалонда 50 000 еуродан басталады, ал аспан асты елінде жергілікті зауыт жасаған осындай модель 25 000 доллар тұрады.
Қолда бар мәлімет бойынша биыл желтоқсанда Францияда бұдан да қатал ережелер қабылданады. Ал Италия бұндай шаралар туралы ешқандай ақпарат берген жоқ.
Комментариев: 0