Шетелдік нөмір таққан және «конструктор»-көліктерді заңдастыруға өтінім қабылдау 2023 жылы 1 шілдеде аяқтады. Бірақ шенділер жыл аяғына дейін машина тіркеуді тоқтатқан жоқ.
Ішкі істер министрлігі нақты қанша көлікті есепке қойғанын жариялады.
Заңдастыру кезінде 304 мыңнан аса автомобиль Қазақстан нөмірін алды, оның ішінде 21 мың «автоконструктор» бар, 55 мың машина 5 жылға уақытша тіркелді. Бұл мерзім біткен соң мәселені қалай шешетінін министрлік мәлімдеген жоқ.
Kolesa.kz редакциясы 2023 жыл жеңіл көлік тіркеу бойынша кейінгі он жылдағы ең табысты жыл болды деп санайды.
Полицейлер иесі заңдастырып үлгермеген шетелдік көліктің жайы не болатынын айтты.
— Олар белгіленген барлық алымды төлеп, әдеттегі жолмен тіркеледі, ол үшін машина техникалық және экологиялық талапқа сай болуы керек, — деді ҚР ІІМ Әкімшілік полиция комитеті бастығының орынбасары Алтынбек Жамалиев.
Ал тіркелмеген машина мініп жүргендер әкімшілік жауапқа тартылады.
Комментариев: 0