Биыл 23 қаңтарда шетелде тіркеуде тұрған автокөліктерді ресми түрде елде есепке қою басталды, 100 мыңнан астам көлік отандық нөмір алды, алдын ала тексеруден өткен машина саны 200 мыңға жетті. Ішкі істер министрлігінің әкімшілік полиция комитеті төрағасы Қайсар Сұлтанбаев осындай статистиканы бөлісті.
Құқық корғау органдары автомобилін тіркей алмай жүргендердің санын нақтыламай, сәтті тіркелген жағдайларды ғана жариялады. Бағдарлама іске қосылғаннан бірнеше күн ішінде желіде пікір жазушылар еш түсіндірмей, тіркеуден бас тартқан жағдайлар мен жауапсыз қалған өтініштер туралы жазған. Үш айда бұндай жағдайлар азайды ма,жоқ па, белгісіз.
Көліктердің барлығын еш негізсіз тіркемеген деп айту қате. Тексеріс кезінде кей машина көрші елдерде ұрланған көліктер тізімінде тұрғаны анықталды. Ондай жағдай болғанын қаңтарда КТК телеарнасы хабарлаған.
Комментариев: 0