2011-2014 жылғы Hyundai Sonata, 2013-2014 жылғы Santa Fe Sport және Tucson, сонымен қатар 2011-2014 жылдары шыққан Kia Optima, Sorento және Sportage көліктерін кері қайтаруға қатысты тексеріс жүргізген Жол қауіпсіздігі басқармасы (NHTSA) Hyundai мен Kia-ға ірі айыппұл салды. Бір жарым миллион машина көліктің өртенуіне себеп болатын ақауы бар Theta II топтамасындағы 2 және 2.4 литрлік агрегатпен жабдықталған екен.
Мәселенің ауқымы анықталғанда кореялық концерн 2019 жылы АҚШ-тағы Theta II орнатылған көліктерге мерзімсіз кепілдік беру арқылы оның салдарын жоюға тырысты.
Дегенмен бұл іске қатысты шешім тек өткен аптада шықты. Ақауды жөндеп, көлік иелеріне келген шығынның орнын толтырудан бөлек, Hyundai 54 миллион доллар айыппұл төлеп, өндірісті жетілдіруге 40 миллион доллар инвестиция құюға мәжбүр. Егер NHTSA концерн келісімшартты бұзды деген қорытынды жасаса, айыппұл сомасы 54-тен 100 млн долларға артуы мүмкін. Kia-ның да аса ірі көлемде айыппұл арқалағанын ескерсек, Hyundai-Kia-ның қаржылық шығыны 200 млн долларды құрайды.
Бұл айыппұлдардың тек АҚШ-қа сатылған машиналарға қатысты екенін айта кеткен жөн. Басқа елдерге дәл сол мотормен сатылған көліктер туралы сөз қозғалған жоқ.
Комментариев: 0