Hyundai 2016 жылдан бері еш өзгермеген алтыншы буындағы Grandeur үлгісінің жаңартылған нұсқасын ұсынды. Рестайлингтің күрделі болғаны сонша, көлік сырттай өзгеріп қана қоймай, 60 мм-ге артқан, оның 40 мм-і ұлғайтылған дөңгелек базасының еншісінде. Ені 10 мм-ге артты. Көз тартатын өзгерістердің бірі ретінде радиатор торындағы жүріс шамдары не бұрылыс көрсеткіштерінің қызметін атқаратын жарқырауық ұяшықтарды атауға болады.
Көліктің салоны да түбегейлі өзгерген. Дизайнерлер климаттық қондырғысының сенсорлы блогы бар жап-жаңа алдыңғы панельді жасады. Ерекше көз тартатын 12.3 дюймдік екі дисплейдің бірі аспаптар панелінің қызметін атқарады. Көзіміз үйренген селектордың салоннан ғайып болғанын да айта кеткен жөн. Оның орнында батырмалы пульт тұр.
Базалық нұсқадағы Grandeur-ге құрама бүрку функциясына ие 2.5 литрлік атмосфералы мотор орнатылған. Сонымен қатар машинаға 235 аттың күшін беретін 3 литрлік газды V6-мен және 290 аттың күшіне ие 3.3 литрлік агрегатпен тапсырыс беруге болады.
Үлгінің ресми таныстырылымы 2019 жылы желтоқсанның аяғында өтеді. Бірақ жаңа көлік Қазақстанға жете қоймайтын сыңайлы. Аталған үлгі біздің елде 2016 жылдан бері сатылмайды.
Комментариев: 0