Бірнеше апта бұрын Еуропадағы Car of the Year 2021 байқауын ұйымдастырушылар финалға өтуге үміткер 29 машинаның тізімін жариялаған. 60 журналистен құралған қазылар алқасы осылардың арасынан жеті финалисті таңдады.
Қазылар алқасының таңдауы бойынша, Еуропаның жыл автокөлігі атағына Citroen C4, Cupra Formentor, Fiat 500, Land Rover Defender, Škoda Octavia, Toyota Yaris және Volkswagen ID.3 үміткер болды.
Жыл үздігі атанудан үмітті машиналар тізіміне ел күтпеген көліктер де енген. Әсіресе Land Rover Defender көлігінің бұл тізімде болуы ерекше таңғалдырады. Тізімдегі жеті көліктің ішінде Қазақстанда сатып алуға болатын жалғыз модель – «Дэф».
Айта кетерлігі, 4-сериялы BMW, Hyundai Tucson, Kia Sorento, Mercedes-Benz GLS пен S-Class, Toyota Mirai және Volkswagen Golf секілді көліктер шорт-листке енген жоқ.
Қай көліктің жеңімпаз атанатыны биыл көктемде анықталады.
Комментариев: 0