Hyundai жаңа кроссоверін көпке көрсетті. Alcazar деп аталатын модель — Creta-ның ұзынырақ нұсқасы. Ол Үндістан нарығына арналған.
Мамандар дөңгелек базасын сәл ұлғайтып, үшінші қатар орындықтарын орнатты. Оның көлемі 2760 мм, бұл екінші буындағы Creta-дан 150 мм-ге ұзын.
Alcazar-дың капоты, алдыңғы қанаты мен есігі Creta-ға ұқсағанмен, радиатор торы, алдыңғы бампері мен артқы шамы өзгеше.
Салоны алты және жеті орындық нұсқада шығарылады. Басқа жағынан Hyundai Creta-дан еш айырмашылығы жоқ. Жабдықтар тізімінде экраны 10.25 дюймдік мультимедиа кешені, цифрлы аспаптар панелі, айнала шолу камералары, панорамалы шатыр, гаджеттерге арналған сымсыз қуаттағыш бар.
Машина 157 ат күші мен 192 Нм момент беретін 2 литрлік бензинді мотор арқылы қозғалады. Ол 6 сатылы механикамен және 6 диапазонды автоматпен жұптаса жұмыс істейді. Сонымен қатар 113 ат күшіне ие 1.5 литрлік турбодизель де қолжетімді.
Hyundai Alcazar Үндістанда 2021 жылы мамырда сатылымға шығады.
Комментариев: 0