Үндістанға арналған Škoda Еуропаға аттанады

Škoda Kylaq моделінің Үндістанда аса танымал болғаны соншалық, Volkswagen енді оны Еуропаға экспорттасақ, дәл солай пайдаға кенелеміз бе деп үміттеніп отыр. Автоөндіруші қытайлық әріптестеріне ілесе алмай, қарт құрлықта жағдайы қиындап кеткен.

Концерн басшысы Клаус Целлмер Automotive News басылымына берген сұхбатында модельдік қатарды толықтырамыз деп мәлімдеді. Бірақ идея қашан жүзеге асатынын айтпады.

Škoda Kylaq кроссовері MQB-A0 платформасына негізделген, ұзындығы — 4 метр. Ол 113 ат күшін беретін 1 литрлік 3 цилиндрлі мотормен жүреді. Бұл қозғалтқыш 6 сатылы механикамен де, автоматпен де жұмыс істейді. Үндістанда автомобиль 759 000 рупия (3.8 млн теңге) тұрады.

1 / 9

• 
• 
• 
• 
• 
• 
• 
• 
• 

1 / 9

Еуропаның салондарына жетсе, бағасы біраз өсетіні анық. Дегенмен мұндағы ең арзан Škoda көлігі саналатын Fabia-дан (20 мың еуро) құны әлдеқайда төмен болады.