Hummer EV тұсаукесерінде көліктің салмағы ескерусіз қалған сияқты. Жуырда ғана GM-Trucks форумында оның 4103 келі тартатыны белгілі болды. Басқаша айтқанда, су жаңа темір тұлпар көлемі өзімен шамалас Hummer H2-ден екі есе ауыр.
Бойында мың аттың күші бар, әрі алғашқы жүздікті үш секундта алатын алып көлікті тежеу оңай болмайтын сияқты. АҚШ заңдары қалай сөйлейтінін білмейміз, бірақ Hummer EV біздің елге келсе, иесіне кемі C1 категориялы жүргізуші куәлігін алуға тура келеді.
Сыйымдылығы 200 кВт·сағ болатын Ultium аккумулятор батареялары блогы салмақты машинаның 560 шақырымды еркін еңсеруіне мүмкіндік береді.
Комментариев: 0