Honda Odyssey өз отанына оралады

2021 жылы компания басшылары Legend бензоэлектрлі седанын, сутекті және гибрид Clarity-ді, сонымен қоса көпке танымал Odyssey минивенін шығаратын Саямадағы зауытты жабу туралы шешім қабылдаған.

Компания Odyssey өндірісін 2021 жылдың қысында тоқтатты, былтыр күзде минивеннің қалғанын сатып бітті. Енді компания модельді сатылымнан алып тастап асығыстық жасағанын түсініп, машинаны елге қайтаруды жөн деп тауыпты. Бірақ оларға жергілікті өндірісті қалыпқа келтіргеннен гөрі, екі рет рестайлингтен өткен қытайлық модельдің бесінші буынын бейімдеп саудалаған әлдеқайда жеңіл.

Жапондарға арналған көлік рөлдің оң жақта орналасуымен, радиатор торындағы өзгерген өрнегімен, шанағының сәндік жылтыр қара Black Edition градациясымен, жылтыр қара жеңіл балқытылған 18 дюймдік дөңгелек дискілерімен ерекшеленеді. Қымбат нұсқасының салоны былғарымен қапталған, орындықтары жылыту, автоматты үш аймақты климат-бақылау жүйесімен жабдықталған, одан бөлек екінші қатардағы жолаушыларға арналған жиналмалы үстелі бар.

1 / 6

• 
• 
• 
• 
• 
• 

1 / 6

Жабдықтар панелінен Нonda Connect ақпараттық ойын-сауық жүйесін, сымсыз қуаттау панелін, Honda Sensing ADAS қауіпсіздік жүйесінің стандарт жинағын таба аласыз. Қосымша едәуір үлкен 11.4 дюймік тачскрин мультимедиасы және арттағы жолаушыларға арналған 15.6 дюймдік планшеті бар.

Екеуі де i-VTEC бензинді қозғалтқышы мен электромотордан тұратын гибрид құрылыммен жүреді. 181 ат күші мен 315 Нм момент алдыңғы дөңгелектерге E-CVT қорабы арқылы беріледі.

Honda биыл күзде автомобильге тапсырыс қабылдай бастайды. Ал қыста дилерлік орталықтан табуға болады.