Honda Odyssey-дің Type R түрленімі шықты

Лас-Вегаста өткен әйгілі SEMA тюнинг-шоуында компания Odyssey-дің ерекше модификациясын таныстырды. Ол дәстүрлі Type R атауын алғанмен, бұл жобаға Honda-ның өзі қатыспады. Бұл — Bisimoto мен Jordan Distributors шеберханалары бірлесе атқарған жұмыс, олар отбасылық машинаны спорткарға айналдырды.

Мамандар стандарт V6-ның орнына Civic Type R-дің 2 литрлік турботөрттігін орнатқан. Оның қуаты 200 ат күшіне көп, жалпы 550 ат күшін береді. Тюнерлер турбинаны ауыстырып, автомобильді тағы біраз жақсартып, осындай нәтижеге жетті. Автоматпен жабдықталатын Odyssey-ге 6 сатылы механикалық қорап орнатты.

1 / 7

• 
• 
• 
• 
• 
• 
• 

1 / 7

Койловерлердің арқасында клиренсі төмендеген, жаңа Type R-дің 19 дюймдік Civic топтамасынан алған дискілері профилі төмен шинамен қапталған.

1 / 3

• 
• 
• 

1 / 3

Күрделі техникалық өзгерістерге қарамастан, вэннің сырт келбеті қарапайым. Odyssey шанағындағы жылтыр қара элементтер, сплиттер, табалдырықтағы қаптама және артқы бампердегі диффузормен ерекшеленеді. Онда түпнұсқа Type R стиліндегі үш газ шығару түтігіне арналған орын бар. Салоны аса өзгермеді, тек механикалық қораптың тұтқасы автоматтың батырмалары тұрған жерге ауысты.

Тюнерлер бұл жобаны серияға шығармайды, бірақ сапалы болғаны сонша, зауытта жасалған көлікке ұқсайды. Odyssey Type R — Bisimoto мен Jordan Distributors компанияларының мүмкіндігін көрсететін жоба.