Honda Civic небәрі 2.9 млн теңгеге бағаланды

Америкадағы Юта штатының тұрғыны 2002 жылғы ерекше хетчбэк Honda Civic Si-ды сатуға қойды. Жол талғамайтын көлік қазір экспедициялық автомобильге айналған. Бес есікті темір тұлпар 6.5 мың доллар (2.9 млн теңге) тұрады.

«Сивиктің» жол саңылауын HRG арқылы 40 миллиметр үлкейтіп, Yokohama Geolandar дөңгелегін орнатқан. Оны дөңгелелек аркасына сыйғызу үшін темірді кесіп, шағын кеңейткішпен қалқалады.

1 / 9

• 
• 
• 
• 
• 
• 
• 
• 
• 

1 / 9

Өндіруші көліктің алдыңғы бөлігіне қосымша жарық қызметін атқаратын күштік доға орнатқан. Жүксалғышта тағы екі шам бар, олар көліктің жүру бағытына және арт жағына жарық түсіреді. Салонда барлық шамды басқаратын пульт, JVC-мен жұмыс істейтін аудиожүйе, Alpine күшейткіші бар. Автомобильді жаяу жүргіншінің назарын аударатын Code3 дабылымен жабдықтады.

1 / 7

• 
• 
• 
• 
• 
• 
• 

1 / 7

Жол талғамайтын «Сивик» өткелден үлкен шноркель көмегімен өтеді. Иесі хетч моторын 200 ат күшіне ие K24 агрегатына ауыстырмақ болғанын айтты. Сол себепті машинада біршама қатты қозғалтқыш тіректері бар, стандарт басқару блогының орнын Hondata K-Pro басты. Бірақ кейін өз ойын өзгертіпті.

Honda Civic 325 мың шақырым жол жүрген. Осы жайт пен хетчті жолсызда айдаған кезде шанағының бүлінгені бағасына әсер еткен сияқты. Сатушы көлік жүріп тұр және иесіне талай қуаныш сыйлайды деп отыр.