Haval M6 Қазақстанға келді

Қытайлық Haval брендінің Қазақстандағы желісі тағы бір модельмен толықты. Ресми сатушылар H6-мен бір платформаны бөлісетін M6 кроссоверіне тапсырыс қабылдай бастады. Оның да алдыңғы бөлігіне артында көлденең тұрған қосарлы иінтірегі бар Макферсон аспасын орнатқан. Келесі айдан бастап салоннан таба аласыз, әзірге бағасы мен құрылымына тоқталайық.

1 / 8

• 
• 
• 
• 
• 
• 
• 
• 

1 / 8

Haval Қазақстан тұрғындарына кроссовердің 1.5 литрлік турбомотормен жабдықталған алдыңғы жетекті түрін ұсынады. 143 ат күші мен 202 Нм беретін агрегат 6 сатылы механикамен де, 7 сатылы автоматпен де жұмыс істейді.

Машина Comfort және Elite комплектациясында сатылады. Алғашқысының бағасы 9 млн теңгеден басталады. Алдыңғы қауіпсіздік жастығымен және шинадағы қысымды бақылайтын сезгек, биік жерге көтеріліп, түскенде көмектесетін жүйе секілді стандарт көмекшілермен жабдықталған. M6-да алдыңғы орындық пен айнаны жылыту жүйесі, климат-бақылау, экраны 10.25 дюйм болатын, 4 динамигі Bluetooth-ға қосылған медиажүйе бар. Орындықтары матамен қапталған және механикалық басқаруға бейімделген. Comfort-тың автомат қорабын таңдасаңыз, үстіне 1.6 млн қосып төлейсіз. Құны 10.6 млн теңге болады.

1 / 10

• 
• 
• 
• 
• 
• 
• 
• 
• 
• 

1 / 10

Elite нұсқасы шатырындағы рейлингпен, алдыңғы тұманға қарсы шамымен, кілтсіз ашу жүйесі, криуз-бақылау, артқы көрініске арналған камера және парктронигімен ерекшеленеді. Механикалық қорабы бар қымбаттау кроссовер — 9.7 млн, ал робот нұсқасы 11 млн теңге тұрады.

Алғашқы кезде көлік Қытайдан келеді. Бірақ 2025 жылы «Астана Моторс» мультибренд зауыты өз жұмысын бастағанда, автокөлікті өз елімізде шығару жоспарда бар.