«Волга» биыл жолға шығады

Қайта жаңғырған кеңестік Volga маркасының модельдері Нижний Новгородтағы бұрын Škoda мен Volkswagen өнімдерін құрастырған зауытта жасалады. Алғашқы партия 2026 жылдың II тоқсанында конвейерге тұрады деген ақпарат бар, ал дилерлік орталыққа III тоқсанда түседі.

Бұл Volga шын мәнінде Geely екені белгілі, өйткені 2024 жылы Changan-мен келісім жүзеге аспай қалды. Әу баста топтама үш машинадан тұрады — орта өлшемді Volga K50 кроссовері (яғни Geely Monjaro), 2 литрлік турбомотормен жүретін Volga C50 бизнес-седаны (Geely Preface) және шағын Volga K40 кроссовері (Geely Atlas).

Жақында Volga сайты ашылды, бірақ онда қазірше жоғары сапа мен өндіріс мәдениеті, сенімділік және технологиялық тәуелсіздік туралы жалпылама мәлімет қана бар. Машиналардың бағасы мен комплектациясына қатысты нақты ақпарат кейінірек жарияланады.

Қазір Ресейде ресми сатылып жатқан Geely-дің өз саудасы қалай болады деген сұрақ туындайды. «Российская газета» сарапшыларға сілтеме жасап хабарлағандай, ішкі бәсекелестікке жол бермеу үшін Geely кей моделін ұсынбайды, нарықта оларға негізделген «Волга» нұсқалары ғана қалады.