Қыс қаһарына мінген Батыс Сібірде Haval F7x өртенгені туралы бірнеше дерек тіркелді. Куәгерлер мен көлік иелерінің айтуынша, машиналар моторды автоматты түрде іске қосатын жүйе жұмыс істеп тұрған кезде тұтанған, от көліктің артқы бөлігінен шығыпты.
Ханты-Мансийск қаласының тұрғынына тиесілі 5000 шақырым жол жүрген Haval 25 желтоқсан күні өртенді. Көлік иесінің айтуынша, сол күні 30-40 градус аяз болған, ал моторды автоматты түрде қосатын жүйе −21 градус температураға бапталған екен.
Нижневартовскідегі тұрақтардың бірінде 26 желтоқсанда F7x өртенді. Оның иесі бұл қалада болған екінші жағдай екенін хабарлады. Бұл жолы да көліктің артқы бөлігі тұтанған. Сургутта да екі F7x отқа оранды.
Бұл ақпараттан секем алған суық өңір тұрғындары машиналарын тексеріп жатқан көрінеді. Арнайы форумда мәлімет алмасқан жүргізушілердің бірі F7x-тегі құбыршек жарылып, бензин аққанын жазды.
Көлігі өртенген азаматтар қытайлық өндірушіге шағымданбақ. Haval-дың ресейлік өкілі болған жағдайларды тексеріп жатыр, бірақ әзірше бұған қатысты еш пікір айтпады.
Комментариев: 0