Шанхай көгінде қалықтаған дрондар Genesis-тің логотипі, ДНҚ спиралі және аспан асты елінде сатылатын GV80 мен G80 пішінін жасады. Оған қоса құрылғылар көмегімен аспанда «Hello, China!» — «Сәлем, Қытай!» деп жазылды.
Бір уақытта көкке көтерілген 3 281 құрылғы қатысқан шоу дрон қатысуымен жасалған әлемдегі ең ауқымды шара ретінде Гиннесс рекордтар кітабына тіркелді.
Genesis Motor China-ның бас директоры Маркус Хенне: «Брендтің Қытай нарығына шығуы біздің компания тарихындағы ең маңызды қадам болуы мүмкін», — деп мәлімдеді.
Премиум санатындағы көліктер шығаратын брендтің басшылары өнімін тікелей және онлайн-режимде сатуды жоспарлап отыр.
Айтпақшы, бренд биыл ресми түрде біздің нарыққа шығады. 2021 жылы астана мен Алматыда Genesis-тің бутик-шоурумдары ашылады.
Комментариев: 0