Компания
Көліктің алдыңғы панелі, ортаңғы консолі және есік картасы жақсарған. Жаңа әрі ыңғайлы орындықтар, басқа да әрлеу материалдарын алған. Машинаға мультимедиа функцияларын басқаруға арналған Flyme Auto операциялық жүйесі бар 14.6 дюймдік үлкен дисплей орнатылады. Дизайнерлер физикалық батырмаларды рөлде, тачскриннің астындағы шағын консольде қалдырған. Климат жүйенің ауа өткізгіштері үлкен, пішіні басқаша. Трансмиссия селекторы ауысқан.
Буын алмасқан соң бренд Emgrand-тың өлшемін ұлғайтып, сырт келбетін концерннің қазіргі негізгі топтамасына сәйкес жасайтыны бұған дейін белгілі еді. Мотор гаммасына бұрынғы атмосфералық мотормен бірге 181 ат күшін (290 Нм) беретін 1.5 литрлік турбомотор қосылады. Ол 7 сатылы роботпен жұптаса жұмыс істейді.
Geely жаңарған седанның саудаға шығатын мерзімін әзірге жарияламады. Қазір Geely Emgrand Қытайда 68 900-86 900 юань (5.2–6.6 млн теңге) тұрады. Биыл маусымдағы жағдай бойынша 4 миллионнан астам Emgrand саудаланған. Бұл межеге жету үшін 15 жыл кетті.
Комментариев: 0