Geely-дің гибрид агрегаты 100 шақырымға 2.67 литр жанармай жұмсайды

Geely жаңа NordThor EM-i гибрид күштік құрылымын ұсынды, ол NordThor жүйесінің екінші буыны. Бұл қондырғы үнемді әрі машинаның жүріс қорын ұлғайтады, ал EM-i жүйесі бар автомобильдердің негізгі бәсекелесі бензоэлектрлі BYD болмақ. Концерн соңғы әзірлемесін биыл ғана қолдана бастады.

NordThor EM-i жылу тиімділігі 46.5 % болатын 1.5 литрлік іштен жанатын қозғалтқышқа негізделген. Компания осы көрсеткіш бойынша рекорд орнаттық деп мәлімдеді. DM жүйесіндегі BYD-дің бензинді моторы тек 46.06 % көрсетеді. Агрегаттың қуаты белгісіз.

1 / 3

• 
• 
• 

1 / 3

Жүйе E-DHT деген атау алды. Ол — екі электромотор, редуктор, басқару модульдері және басқа да электроникадан тұратын блок. E-DHT құрамындағы моторлардың бірі 218 ат күшін береді, блоктың жалпы тиімділігі — 92.5% (BYD-ге қарағанда жарты пайыз жоғары).

EM-i жүйесінің басты артықшылығы — жоғары энергия тиімділігі. Ол 100 шақырымға 2.67 литр отын жұмсайды, 2390 шақырымды еркін еңсереді. BYD-дің көрсеткіші — 2.9 литр және 2100 км.

Алдын ала мәлімет бойынша бұл жаңа қондырғыны алатын Geely Galaxy L6 седанының көрсеткіші. Бірақ EM-i алғдымен кроссоверге орнатылады. Galaxy Starship 7 EM-i қарашада нарыққа шығады, концерн оның алғашқы суреттерін біраз уақыт бұрын жариялаған.