ГАЗ Volkswagen-ді тағы сотқа берді

Нижний Новгород соты Горьков зауытынан келіп түскен екінші арызды тіркеді. Наурызда 15.6 млрд рубльге келісуге дайын болған ресейлік өндіруші бұл жолы бұрынғы серіктесінен 28.4 млрд рубль өндіріп беруді сұрап отыр.

ГАЗ-дың наурызда жазған арызындағы талап — Volkswagen көлік өндіру келісімшартын бұзғаны үшін келтірілген шығынды өндіру. Былтырға дейін бұл жерде ресейліктерге арнап Volkswagen және Škoda модельдерін жасаған.

Сот компания талабын орындау үшін Volkswagen-нің мүлкіне (Калугада орналасқан зауытқа) тыйым қойды, бірақ артынша ол күшін жойды. Неміс компаниясы зауытты сата алады, бірақ концерн қарсы тараппен толық мәмілеге келмеді. Дереккөздерге сенсек, зауытты сатып алуға басты үміткер «Авилон» дилерлік жүйесі, ол Chery машиналарын шығаруды жоспарлап отыр-мыс.

ГАЗ бен Volkswagen арасындағы іс 18 сәуірде қаралады. Екінші отырыс қашан болатыны және уақытын неге жарияламағаны белгісіз. Ұзынқұлақтан келген ақпарат бойынша осылай ГАЗ Volkswagen активтерінің «Авилонға» өтіп кетуін тоқтатпақ. Бұдан ертерек автоөндірушілер неміс компаниясының мүмкіндігін пайдаланып, Skoda-ға негізделген советтік «Волга» мен «Победаны» қайта құрастыруды жоспарлағаны хабарланған.