Сатылған әр «Бронко» — бұл өтпей қалған бір Jeep Wrangler. Иесіне тек келер жылы жеткізілетін машинаның жетістігі бәсекелестерге ұнамасы анық. Motor1.com басылымына берген сұхбатында Ford Motor Co. маркетинг директоры Марк Грубер жаңа Bronсo-ға 190 000 тапсырыс түскенін және модель түрленіп, аксессуар саны көбейген сайын бұл санның да арта түсетінін айтты.
Мамандар Ford қызметкерлеріне опционалды дүниелерге аса мән беріп, машинаның базалық жиынтығын назарсыз қалдырмауға кеңес берді. Жолсыз жерде еркін жүйткитін "Бронко"ның 29 мың доллардан басталатын бағасы америкалықтардың басым бөлігі үшін қолжетімді.
Ford Bronco екі EcoBoost турбомоторымен ұсынылады. Яғни, 2.3 литрлік төрттік (273 а.к. және 420 Нм) пен 2.7 литрлік алтылықтың (315 а.к. және 542 Нм) бірін таңдауға болады. Қозғалтқыштар 7 сатылы механикамен не 10 диапазонды автоматпен жұмыс істейді.
Комментариев: 0