Бұрынғы мен жаңа «Бронконың» арасын ширек ғасыр бөліп тұр. Модельдің бес есікті нұсқасы да шығарылады.
Жаңарған Ford Bronco-ның клиренсі 295 мм, тереңдігі 0.85 метрлік өткелді оңай еңсереді, ал аспа қимылы бәсекелестерінен 17 %-ға жоғары. Модель толық жетекті. Төменгі беріліс қатынасы 2.72:1 аралығында. Мұны азсынатындар On-Demand 4H функциясына ие және беріліс қатынасы 3.06:1 болатын электрлі механикалық қорап орната алады.
Ford өз өнімін нарықтағы ең үздік функциялармен жабдықтауға тырысқан. Машинаға дифференциалды бұғаттайтын Dana белдіктері, Bilstein амортизаторлары бар аспа, 35 дюймдік шиналар, ірі бампер орнатылған, мотор, трансмиссия және сұйық отын багының қорғанышы болаттан жасалған. Көмекшілер тізімінде жолсыз жерге арналған круиз-бақылау, интеллектуалды тұрақтандыру жүйесі мен жүріс электроникасының сегіз (Normal, Eco, Sport, Slippery, Sand, Baja, Mud/Ruts, RockCrawl) нұсқасы бар.
Бірнеше бөліктен тұратын көліктің төбесі алынады. Алдыңғы қанаттарында салмағы 68 келіге дейінгі ірі жүкті тасуға арналған бекіткіш бар. Өндіруші машинаны сегіз жиынтықта ұсынады, сондықтан клиенттер көлік таңдау кезінде қиналмасы анық.
Мотор топтамасында 274 ат күші мен 420 Нм айналу моментін беретін 2.3 литрлік бензинді агрегат пен 315 ат күші мен 542 Нм айналу моментіне ие 2.7 литрлік V6 бар. Олар 7 сатылы механикамен немесе 10 диапазонды автоматпен жұптасады.
Ford Bronco-ға тапсырыс беру үшін алдын ала 100 доллар төлем жасау қажет. Базалық жиынтықтағы ең арзан нұсқасы 29 995 доллар тұрады. Көлік сатылымы келесі жылдың көктемінде басталады.
Комментариев: 0