Жақында тұсаукесері өткен Ferrari Purosangue моделіне қызыққандар көп болып тұр, тіпті оң рөлді машина мінетін жапондар да кроссовер алу үшін виртуалды кезекке тұрып жатыр. The Drive хабарлағандай, 2023 жылдың екінші тоқсанында кроссовер сатып алуға мүмкіндік беретін слот жарты миллион долларға бағаланған (көлік бағасы бұл сомаға кіре ме, белгісіз).
Ferrari-дің сату жөніндегі директоры Энрико Гальераның айтуынша, компания Purosangue моделіне тапсырыс қабылдауды 2018 жылы қыркүйекте бастады, ал жаңа өнім V12-мен жүретіні белгілі болғаннан кейін тапсырыс саны күрт өскен.
Көлік алғысы келгендер саны шектен асып кеткендіктен Ferrari тапсырыс қабылдауды тоқтатуы мүмкін. Дегенмен Purosangue марканың ең өтімді моделі болатын сияқты, жоспар бойынша жылына 3 мың Purosangue (бағасы 400 мың доллардан кем емес) сатылады.
Комментариев: 0