Ferrari компаниясы көштен қалмай, модельдеріне электромотор орнатуға бар күшін салып жатыр, сондықтан кішігірім компонент әзірлеуді бөтен өндірушілерге сеніп тапсырды.
Жаңа стратегия марка алғашқы батареялы суперкарын әлемге паш еткенде шарықтау шегіне жетеді.
Италия бренді Samsung концернін серіктес ретінде таңдады. Ол марка көліктеріне сенсор экран орнатады. Меморандум мәтінінде OLED технологиясын кеңінен қолданатын компания Ferrari-дің қатал стандарттарына толық сай келетін дисплей ұсынуға дайын деп жазылған.
Жаңа құрылғы қандай болатынын Samsung көрмеде көрсеткен 34 дюймдік автомобиль дисплейіне қарап жобалауға болады. Бірақ оған қатысты ресми мәлімет жоқ.
Үйдегі жабдықтарға қарағанда машина ішіндегі аппаратқа қойылатын талап әлдеқайда жоғары. Автомобиль электроникасы аса берік, төзімді болуға тиіс. Өйткені үнемі қозғалыста болады, құбылмалы ауа райына да шыдас беруі керек. OLED-экранға тән кемшіліктер де жоқ емес. Мәселен, күйіп кетеді. Дисплей тым ұзақ қосулы тұрса, суреті қатып қалып, аспаптар панелінен пиктограмма кетпей қоюы мүмкін.
Комментариев: 0