Жақында Калифорнияның Сан-Хоакин аңғарындағы Туларе көлі арнасынан асып, жақын маңдағы бақшаны су басу қаупі төнді, адамдар егінін аман алып қалу үшін күтпеген қадамға барды. Бөгетте пайда болған ойықты бітеу үшін бірнеше фермер машинасын құрбан етті. Тасыған су топырақ бөгетке бой бермегендіктен, оны тоқтатуға ауыр әрі берік зат қажет болған. Сөйтіп ойыққа жүк тиелген Ford F-150 мен Chevrolet Silverado-ны батырды.
Фермерлердің бұл әрекеті сәтті болып, бау-бақшасын судан қорғап қалды. Пикап иелері тасқын басылған соң оларды қазып алуды жоспарлап отыр. Оны қазып алып қайтеді, мұндай машинаның барар жері утилизация емес пе? Жоқ, өтемақы алу үшін пикапты сақтандыру компаниясына өткізеді, ал олар машинаны Water/Flood немесе Junk деген белгімен Copart сияқты аукционда сатады. Мұндай аукционда өртенген машинаның қалдығы да кездеседі.
Комментариев: 0