2023 жылы қазанда Уху қаласында өткен конференцияда Chery өкілдері Қазақстанға Sterra көліктерін жіберетінін айтып қалған, бірақ атауын Exlantix деп өзгерткен топтама бізге әсол күйі жетпеді.
Былтыр тағы осы машина жайлы сөз болды. Exeed өкілдері жыл аяқталғаншаэлектромобиль әкелеміз дегенмен, ол жоспар да іске аспай қалды. Енді араға жыл салып Exlantix ET атты кроссоверіне алдын ала тапсырыс қабылдай бастады.
Автосалондар ұзындығы 4.98, дөңгелек базасы 3 метр, салоны бес орынды көліктің электрлі және гибрид (REEV) нұсқасын ұсынады. Генератор қызметін 1.5 литрлік мотор атқарса, дөңгелегін жалпы 469 ат күші мен 634 Нм момент беретін қос электромотор айналдырады, олар 40 квт батареядан қуат алады. Елге машинаның еуропалық түрленімі келетіндіктен, жалғағышы CCS2. Жүріс қоры 1180 шақырымға жетеді.
Exlantix ET-дің екі нұсқасының бірін таңдауға мүмкіндік бар. 21.6 млн теңге тұратын Comfort алдыңғы, бүйірлік және ортаңғы эйрбэг, қауіпсіздік перделері, көмекшілер кешені, айнала шолу камералары, акустикалық әйнек, жүксалғыш есігінің электр жетегі, желдеткіш, жылытқыш, жүргізуші орындығындағы массаж функциясы, үш аймақты
Luxury жиынтығының құны — 24.7 млн теңге. Ол тізе эйрбэгімен, есік тартқыш, кеңейген көмекшілер жинағы, рөл колонкасын реттегіш, проекциялық дисплей, ауа иондағышпен толықты. Көліктің төбесі алькантарамен қапталған.
Комментариев: 0