Сиань қаласында өткен Қазақстан мен Қытай өкілдері қатысқан дөңгелек үстелде Manufacturing пен Exeed International елімізде Exeed модельдерінің өндірісін реттейтін лицензиялық келісімге қол қойды.
Қытайлық көлік өндірісі үшін Алматы қаласының Индустриялық аймағында жаңа кәсіпорын салынады. Жылына 80 мың машина шығаратын зауыт құрылысын биыл бастайды. Кәсіпорын 2025 жылдан бастап Chery, Changan және Haval шығаратын Astana Motors мультибренді кешенінің жанында орналасуы мүмкін.
Orbis Manufacturing жобасына бөлінген инвестиция 72 млрд теңгені құрайды. Зауыттың ашылуы бастапқы кезеңде 1500 жаңа жұмыс орнын ашуға мүмкіндік береді. Онда мамандар VX, TXL және LX модельдерін құрастырады. Көліктер ірі торапты әдіспен емес, шанақты дәнекерлеп, бояйтын толық циклды (CKD) технология бойынша жасалады. Алғашқы машиналар 2025 жылы конвейерден түсу керек.
Комментариев: 0