Малайзия көліктері Қазақстанға келеді

Proton шынымен Қазақстан нарығына шығуды көздеп отырған сияқты. Биыл жазда компания басшылары Өнеркәсіп және құрылыс министрі Ерсайын Нағаспаевпен кездескен еді, енді топ-менеджерлер «Бәйтерек» холдингімен ынтымақтастық туралы меморандумға қол қойды.

Құжатта Қазақстанда автомобиль құрастыру туралы жазылған. Отыз жыл бойы Mitsubishi модельдерін шығарып келген Proton қазір сырт келбеті өзгерген Geely көліктерін, соның ішінде e.MAS суббрендімен электрокар өндіреді.

e.MAS 7 — батареялы Geely EX5. Бұл электромобиль Қазақстанда жасалайын деп жатыр. Автомобиль EX5 және e.MAS 7 ретінде сертификат құжатын алды.

Холдинг басқармасының төрағасы Рустам Карагойшин меморандум Қазақстанда ұлттық автоөндіруші құруға бағытталған деді.

— Proton компаниясымен серіктестік отандық автоөнеркәсіпті дамытуға жаңа мүмкіндіктер ашады. Серіктестеріміздің тәжірибесі мен технологиясы заманауи өндірістік база құруға және ұлттық автомобиль брендін жасауға негіз болып, елдегі өнеркәсіп пен экономиканың өсуіне үлес қосады, — деді Рустам Карагойшин.

Қазақстан автоөнеркәсібінде жеке бренд құру идеясы бұрыннан болған. Оны Allur 10 жыл бұрын белсенді ұсынды, сол кезде маркаға Қытай көліктері негізі болады деп, гибрид пен электромобильге басымдық берді. Қазір Proton-мен байланысы бар Geely-дің жаңа модельдері Қостанайдағы кәсіпорында конвейерге тұрады.