JATO-ның 28 елде жинаған мәліметі тамызда Еуропа елдерінде шамамен 900 000 жаңа көлік тіркелгенін көрсетті. Оның 196 мыңы — электромобиль. Бұл былтырғы осы кезеңмен салыстырғанда 102 % көп. Ал дәстүрлі қозғалтқышпен жүретін автомобиль саудасы 11 % өскен.
Еуропада ең көп сұралған электромобильдер Tesla Model Y және Tesla Model 3 екен. Тамызда 21 549 Model Y және 11 943 Model 3 тіркелген (бұл былтырғы көрсеткіштен 208 және 307 % артық). Келесі орынға 9135 көлігі тіркелген VW ID.4 (+61 %) және 6835 данасы өткен (+86 %) ID.3 жайғасты. Көбіне электромобильді Германия сатып алады.
Volkswagen Еуропа нарығында қазір де көш басында: тамызда неміс концерні негізгі брендінің 99 266 автомобилін сатты. Бұл 2022 жылмен салыстырғанда 10 % көп. Сонымен қатар тізімде Toyota (59 132), BMW (52 334), Audi (51 132), Skoda (49 996), Mercedes (48 511), Peugeot (41 869), Renault (40 822), Kia (40 712) және Hyundai (38 925) маркалары бар.
Алыс шетелге қоныс аударған ескі британиялық брендтің жетістігін айта кеткен жөн. MG тамызда Jeep, Mazda, Mini және Suzuki-ді басып озып, сауда көлемі қарт құрлықта сатылған барлық қытай автомобилінің 69 %-ін құрады.
Комментариев: 0