EuroNCAP инженерлері Қазақстан нарығына жазда шыққан су жаңа Hyundai Tucson-ның әуселесін байқады. Сынақ нәтижесінде кроссовер бес жұлдыз алған. Алайда толық есептен оның бүкіл тексерістен мінсіз өтпегенін көруге болады.
| Модель | Жалпы рейтинг | Ересек жолаушыны қорғау деңгейі | Балаларды қорғау деңгейі | Жаяу жүргіншіні қорғау деңгейі | Қауіпсіздік жүйелері |
| Hyundai Tucson |  |
86 % | 87 % | 66 % | 70 % |
Бетпе-бет соғылғанда жүргізуші кеудесінен жарақат алуы мүмкін, ал қасындағы жолаушының сол аяғына зақым келеді.
Бағанаға бүйірден соғылғанда машина жақсы нәтиже көрсетті, тіркемеге соғылғандағы күйін де мамандар жақсы бағалады. Басқа көлік қаққанда екінші қатарда отырған жолаушылар мойнынан жарақат алуы мүмкін. Осы үшін инженерлер үш деген баға қойды. EuroNCAP балалар қорғанысына еш сын айтпады.
Жаяу жүргіншілерді қорғау қабілеті үшін 36 балдың 23.8-ін алды. Капот жиегі мен алдыңғы әйнектің төменгі бөлігі, сонымен қатар алдыңғы тірегіштер қауіп төндіреді екен.
Жолақ бақылау, автокөлік, велосипед және жаяу жүргінші алдында автоматты тежеу жүйелерінен тұратын электронды көмекшілер жинағы жаман емес. Кешен жаяу адам мен велосипедшілерді бірден таныған, бірақ машинаға кезіккенде кібіртіктегені белгілі болды. Сондықтан бұл жолы 11.3 балл, яғни ең жоғары бағаның 70 %-ы қойылды.
Комментариев: 0