Ескі УАЗ-469 27 мың еуроға сатылады

Испаниядағы Autosalon Valencia компаниясы клиенттерге 1987 жылғы ерекше УАЗ-469 көлігін ұсынды. Хабарландыруда автомобильді AV Classics компаниясы толық жаңалады деп тұр. Мамандар көліктің техникалық бөлігі мен экстерьерін ғана емес, салонын да жақсартыпты.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

«469-дың» сырты мен бұдырлы шинамен қаптаған дөңгелек дискісі ақ түске боялған. Артқы жағында көкке шығуға арналған себет орналасқан, ал жұмсақ төбесі темір доғаға бекітіледі. УАЗ-бен бірге екі тент беріледі.

Салон айтарлықтай жақсарған. Ол да ақ түсті. Шеберлер стандарт креслоны қайта тігумен шектелмеген. Автомобильдің барлық отырғышы жаңа. Есік карталары мен алдыңғы панельді былғарымен қаптап, стандарт рөлді ағаштан жасалған түріне алмастырған, одан бөлек Marshall аудиожүйесін орнатыпты.

1 / 11

• 
• 
• 
• 
• 
• 
• 
• 
• 
• 
• 

1 / 11

Хабарландыруда машинаның техникалық сипаттамасы туралы сөз жоқ. Тек жол талғамайтын көліктің агрегаты 75 ат күшін беретіні белгілі. Соған қарағанда УАЗ 2.4 литрлік карбюраторлы УМЗ-ны сақтап қалған сияқты.

Ақ УАЗ-469 26.9 мың еуро (13.6 млн теңге) тұрады. Испанияда бұл сомаға су жаңа гибрид Toyota Corolla сатып алуға болады. Қазақстанда УАЗ-469-дың бағасы қалай сақталғаны және жағдайына байланысты 300 000 теңге мен 6.5 млн теңге аралығында.